شیخوپورہ(آن لائن)چیئرمین پبلک اکاؤنٹس کمیٹی رانا تنویر حسین نے کہا ہے کہ کٹھ پتلی حکومت اپوزیشن کو انتقام کا نشانہ بنا کر ملک کو عدم استحکام سے دوچار کررہی ہے ، 11اکتوبر کو پی ڈی ایم اے حکومت کیخلاف بھرپورپاور شو کرے گی ، جنوری میں لانگ مارچ ہوگا جس میں عوام کا ٹھاٹھیں مارتا سمندر حکومت بہاکرلے جائیگا۔ موجودہ حکومت کے پاس عوامی فلا ح و بہبود کیلیے کوئی ایجنڈنہیں،اس کاکام صرف اپوزیشن کو سیاسی انتقام کا نشانہ بنانا ہے، کٹھ پتلی حکومت دورآمریت سے بڑھ کر شریف خاندان کو انتقام کا نشانہ بنارہی ہے۔