جرمنی کی 14 سالہ لڑکی اپنی دادی سے ملنے بائیسائیکل چلاتی ہوئی پولینڈ پہنچ گئی جبکہ جرمنی کی پولیس نے لڑکی کی تلاش میں اس کے گاﺅں اور گردونواحی علاقہ کا کونہ کونہ چھان مارا۔
رپورٹس کے مطابق لیونے برگ نامی علاقہ کی پولیس نے بتایا کہ نیکولا نامی جرمن لڑکی اپنے گاﺅں سے بائی سائیکل پر سوار ہو کر نکلی اور اپنے گھر والوں کو مطلع کئے بغیر400 کلومیٹرز دور پولینڈ میں اپنی دادی کے پاس پہنچ گئی جبکہ دوسری طرف پولیس نے لڑکی کے والدین کی اطلاع پر لیونے برگ کا پورا علاقہ چھان مارا تاہم دادی کے گھر والوں کومطلع کرنے پر والدین لڑکی کو اپنے گھر بحفاظت واپس لے آئے۔