جرمنی کے شہر ڈریسڈن میں ایک مسجد اور انٹرنیشنل کانگریس سینٹر کے باہر دو الگ الگ دھماکے ہوئے تاہم کوئی جانی نقصان نہیں ہوا۔
جرمن میڈیاکے مطابق ڈریسڈن میں ایک مسجد اور انٹرنیشنل کانگریس سینٹر کے باہر دو الگ الگ دھماکے ہوئے ہیں۔ پولیس کا کہنا ہے کہ یہ دھماکے اجانب دشمنی کا شاخسانہ ہو سکتے ہیں۔ پیر کو دیر گئے ہونے والے ان دھماکوں کے نتیجے میں کوئی شخص زخمی نہیں ہوا۔ ڈریسڈن کے پولیس چیف ہورسٹ کریچمر کے مطابق ابھی تک کسی نے ان دھماکوں کی ذمہ داری قبول نہیں کی تاہم اس کے پیچھے وہ عناصر کارفرما ہو سکتے ہیں، جو غیر ملکیوں سے نفرت کرتے ہیں۔