ایشیائی تیل مارکیٹ میں بدھ کو خام تیل کے نرخوں میں اضافے کا رجحان دکھائی دیا جس کی وجہ خام تیل کے امریکی ذخائر میں کمی کےبارے میں رپورٹ کا اجراء ہے۔
امریکہ کے ویسٹ ٹیکساس انٹرمیڈیٹ کے نومبر میں ترسیل کے معاہدے ایک سینٹ کے اضافے سے 44.68 ڈالر فی بیرل میں ہوئے جبکہ برینٹ نارتھ سی کروڈ کے اسی مدت میں ڈیلیوری کے سودے 21 سینٹ کی بہتری سے 46.18 ڈالر فی بیرل میں طے پائے۔ امریکین پٹرولیم انسٹیٹیوٹ کی رپورٹ کے مطابق گزشتہ ہفتے کے دوران امریکی سپلائز میں 7 لاکھ 52 ہزار بیرل کی کمی رونما ہوئی۔
ماہرین کے مطابق اوپیک اور خام تیل پیدا کرنے والے دیگر ممالک کے اجلاس میں خام تیل کی عالمی پیداوار میں کمی کے ممکنہ معاہدے کےبارے میں پائی جانے والی تشویش کے باعث خام تیل کے امریکی ذخائر میں کمی کے نرخوں پر اثرات ماند پڑ گئے ہیں۔