عراق میں میزائل حملہ بچی جاں بحق‘ 5 افراد زخمی

بغداد (انٹرنیشنل ڈیسک) عراقی دارالحکومت بغداد میں میزائل حملوں کے نتیجے میں ایک بچی جاں بحق اور 5 افراد زخمی ہو گئے۔ فوج کے میڈیا سیل کی جانب سے جاری بیان میں بتایا گیا کہ بغداد میں کیے گئے حملوں کے دوران 4 میزائل گرین زون میں اور 2 میزائل ط ِب سٹی اسپتال اور زورا پارک کے قریب گرے۔ داغے گئے میزائلوں میں سے ایک فضاہی میں پھٹ گیا،جب کہ ایک نے زمین پر پہنچ کر تباہی مچادی۔ دیگر 2میزائل پھٹ نہ سکے۔ واضح رہے کہ گرین زون میں امریکا اور بعض دیگر غیر ملکی سفارت خانے اور سرکاری عمارتیں واقع ہیں۔