تائیوان کا ایف 16 طیارہ تربیتی مشن کے دوران لاپتا

تائی پے (انٹرنیشنل ڈیسک) تائیوان کی ائر فورس کا ایف 16 لڑاکا طیارہ لاپتا ہو گیا۔ وزارت دفاع نے ایک بیان میں کہا کہ ایک پائلٹ والا طیارہ تربیتی مشن پر تھا، پرواز کے محض 2منٹ بعد وہ راڈار سے غائب ہو گیا۔ ادھر طیارے کے پائلٹ کے بارے میں بھی کچھ معلوم نہ ہوسکا۔ مشرقی شہر ہوالین کے ارد گرد کے علاقے میں بڑے پیمانے پر تلاش کا کام جاری ہے۔ یہ شہر بحر الکاہل کے ساحل پر واقع ہے۔ یاد رہے کہ تائیوان میں گزشتہ ماہ ایک ایف 5ای طیارہ بھی تربیتی مشن کے دوران گر کر تباہ ہو گیا تھا، جس میں پائلٹ بھی مارا گیا تھا۔