وزیر اعظم نواز شریف آج کراچی کا دورہ کریں گے ۔ دورے کے دوران وزیر اعظم نواز شریف سب سے پہلےجناح اسپتال کا دورہ کریں گے اور ہیٹ اسٹروک سے متافرہ افراد کی عیادت کریں گے۔
ذرائع کے مطابق یکم جولائی بروز بدھ 11 بجے دن وزیر اعظم نواز شریف کراچی پہنچیں گے جبکہ پرائم منسٹر کی زیر صدارت وزیر اعلیٰ ہاوس میں شہر قائد میں بجلی اور پانی کے حوالے سے اہم اجلاس منعقد کیا جائے گا۔ اجلاس میں ایم ڈی کےالیکٹرک اورایم ڈی واٹربورڈکو دو پہر 12 بجےوزیراعلیٰ ہاؤس میں طلب کرلیاگیا ہے۔
اجلاس میں وزیر اعظم نواز شریف کو شہر قائد میں پانی و بجلی کی صورتحال پر بریفنگ دی جائے گی۔ اجلاس میں وزیر اعلی سندھ قائم علی شاہ سمیت اہم صوبائی وزراء اور قانون نافذ کرنے والے اداروں کے افسران شرکت کریں گے۔
