پوشفسٹروم (جسارت نیوز) جنوبی افریقانے پہلے ٹیسٹ میچ میں بنگلا دیش کو 333 رنز کے واضح مارجن سے شکست دے کر2 میچوں کی سیریز میں 1-0 کی برتری حاصل کر لی۔ 424 رنز کے تعاقب میں بنگلا دیش کی پوری ٹیم 90 رنز پر ڈھیر ہوگئی۔ کیشوو یادیو نے 4 وکٹیں حاصل کیں۔ ڈین ایلگر کو میچ کا بہترین پلیئر قرار دیا گیا۔ گزشتہ روز ٹیسٹ کے 5ویں اور آخری روزبنگلا دیش نے 49 رنز 3 کھلاڑی آؤٹ پر اننگز دوبارہ شروع کی تو اسے جیت کیلئے 375 رنز درکار تھے مگر مہاراج اور کگیسو ربادا کی تباہ کن بولنگ کے سامنے بنگلا دیشی بلے باز جم کر نہ کھیل سکے اور پوری ٹیم 90 رنز پر ڈھیر ہوگئی۔ اس طرح اسے 333 رنز سے شکست کا سامنا کرنا پڑا۔ کپتان مشفق الرحیم 16 ، محمد اللہ نو، لٹن داس، صابر رحمان اور تسکین احمد 4,4جبکہ شفیع الاسلام 2اور مصطفیض الرحمان ایک رن بناکر آؤٹ ہوئے۔ کیشوو یادیو نے4 اور کگیسو ربادا نے3 کھلاڑیوں کو آؤٹ کیا۔ ڈین ایلگر کو پہلی اننگز میں 199 رنز دلکش اننگز کھیلنے پر مرد میدان قرار دیا گیا۔
