کراچی : بین الاقوامی مالیاتی فنڈ سے دوبارہ امداد کے لئے پاکستان کا فیصلہ ایک عارضی علاج ہے جو معیشت اور صارفین کو ایک سہارہ دینے کے لئے ہے، تاکہ درآمدی مال کی ترسیل کی روک تھام ہو کیونکہ وہ چیزیں مقامی طور پر بھی پیدا کی جاسکتی ہیں،پاکستانی روپے کی قدر کا گرنا اس بات کی غمازی ہے
قرضوں کی وجہ سے اس ملک کی معیشت نقصان میں ہے انہوں نے تجویز پیش کی کہ نئے NFC ایوارڈ میں صوبوں کا حصہ تقریباً 50 فی صد کیا جانا چاہئے۔ان خیالات کا اظہار سندھ کے سابق گورنر اور بینظیر بھٹوحکومت کے صوبائی وزیر خزانہ و سابق سینیٹر کمال اظفر نے سابق وزیر خزانہ، ڈاکٹر حفیظ پاشا اور پاکستان اسٹیٹ بینک کی سابق گورنر ڈاکٹر شمشاد اختر کے بیانات پر تبصرہ کرتے ہوئے کیا ۔ سابق سینٹرکما ل اظفر نے کہا کہ سب کو معلوم ہے
ادائیگیوں اور آمدنی کے توازن کے جڑواں خسارے 18 ویں ترمیم 2010ء اور 7 ویں این ایف سی ایوارڈ کی وجہ سے تھے جو تین سال قبل ختم ہوگئے ہیں۔ انہوں نے صوبائی حصص کے محصول کو 57.5 میں تقسیم کیا
وفاقی حصص میں تقسیم شدہ پول میں 42.5 فیصد کمی کی تھی۔ تنقید یہ ہے کہ2018-19 ء کے لئے پبلک سیکٹر ڈویلپمنٹ پلان میں کمی کی گئی ہے جبکہ بھاشاڈیم اور مہمند ڈیموں کی تعمیر شروع کرنے کے لئے ملک کو اعلی ترقیاتی بجٹ کی ضرورت ہے ساتھ ہی مستقبل میں زیادہ سے زیادہ ڈیموں کی ضرورت ہے،کیونکہ پاکستان میں پانی اسٹوریج کی صلاحیت خطرناک طور پر کم ہے۔کمال اظفرنے بتایا کہ 2590.1 ٹریلین ٹیکس کے صوبائی حصص میں منتقلی کے بعد اور 7 ویں این ایف سی ایوارڈ کے ذریعہ سرکلر قرض اور عوامی شعبے کے نقصانات کے بہاؤ میں اضافے کی وجہ سے،
وفاقی حکومت توڑ دی گئی ہے۔انہوں نے کہا کہ اس کا حل پبلک ۔پرائیویٹ شعبے کی شراکت داری میں ہے، 50 فیصد حصص اور مینجمنٹ نجی سیکٹر کمپنیوں کو دے دیئے جائیں ، ورنہ اسٹیل ملز کی طرح نجکاری کمیشن کی خدمات کو استعمال کرنے کی کوئی بھی کوشش رائیگاں جائے گی۔انہوں نے کہا کہ گردشی قرض کی حامل اورعدم کارکردگی کا مظاہرہ کرنے والی ڈسکو کے لئے کنٹرول لازمی ہے، جس میں پچاس فیصد ملکیت اور عوامی شعبے کے کاروباری انتظامات کو منتقل کیا جائے اور وفاقی حکومت کا حصہ زیادہ تر این ایف سی ایوارڈ کے تحت تقسیم شدہ کم از کم 50 فیصد تک ہو۔
