قائم مقام امیر جماعت اسلامی پاکستان لیاقت بلوچ نے کہا ہے کہ سردار عبدالقیوم خان کی کشمیریوں کے لیے خدمات کو ہمیشہ یاد رکھا جائے گا ۔
لیاقت بلوچ نے سابق صدر آزاد کشمیر سردار عبدالقیوم خان کی وفات پر گہرے رنج و افسوس کا اظہار کیاہے۔ انھوں نے اپنے تعزیتی بیان میں دعا کی کہ اللہ تعالیٰ مرحوم کی مغفرت فرمائے ۔ لیاقت بلوچ نے مرحوم کے بیٹے سردار عتیق الرحمن اور خاندان سے دلی تعزیت کا اظہار کیاہے ۔
