عمران خان کا قبل از وقت انتخابات کا مطالبہ درست نہیں‘ کائرہ

اسلام آباد (آن لائن)پیپلزپارٹی کے رہنما قمر زمان کائرہ نے کہا ہے کہ عمران خان کی ہر خواہش پوری نہیں کی جاسکتی‘ قبل از وقت انتخابات کا مطالبہ درست نہیں‘ مسلم لیگ (ن) کی حکومت کو 5برس پورے کرنے چاہییں۔ اتوار کونجی ٹی وی سے گفتگو کرتے ہوئے انہوں نے کہا کہ آئین کے تحت اپوزیشن لیڈر بنایا جاتا ہے‘عمران خان کی قبل از وقت انتخابات کی خواہش پوری نہیں کی جاسکتی ۔
پیپلزپارٹی قبل از وقت انتخابات کی حمایت نہیں کرے گی۔ انہوں نے کہا کہ اگر قبل از وقت انتخابات کے بعد بھی مسلم لیگ (ن) کی حکومت آجاتی ہے اور شاہد خاقان عباسی ہی وزیراعظم بنتے ہیں تو عمران خان پھر کیا کریں گے۔ مسلم لیگ (ن) کی حکومت کو آئینی مدت پوری کرنی چاہیے تاکہ جمہوری عمل مستحکم ہو۔ انہوں نے کہا کہ ای سی ایل میں نام ڈالنے کا معاملہ قانونی ہے‘ اچھی بات ہے کہ نواز شریف وطن واپس آرہے ہیں ‘ وطن واپس آکر نواز شریف اپنے اوپر قائم مقدمات کا سامنا کریں۔