لاہور: پاکستان کے مڈل آرڈر بیٹسمین صہیب مقصود انجری کے باعث دورہ بنگلہ دیش سے باہر ہوگئے۔
صہیب نے کیمپ کے پہلے روز پریکٹس کے دوران بائیں کلائی میں تکلیف کی شکایت کی، جس میں فریکچر بتایا گیا ہے، یہ انجری انہیں ورلڈ کپ سے پہلے بھی تھی جو مکمل طور پر ٹھیک نہ ہوسکی۔ ان کی جگہ سعد نسیم کو ون ڈے اسکواڈ میں شامل کرلیا گیا ہے۔
ورلڈ کپ کے دوران بھی صہیب کی فٹنس سوالیہ نشان بن رہی، لیکن سلیکٹرز نے اس کے باوجود انہیں دورہ بنگلہ دیش کے لئے ٹیم میں شامل کیا۔
صہیب عالمی کپ میں بھی خاطر خواہ کارکردگی کا مظاہرہ نہیں کرپائے تھے، وہ میگا ایونٹ کے سات میچز میں صرف ایک سو تریپن رنز بناسکے تھے۔
