اسلام آباد: حبیب بینک کےحصص کی فروخت کا عمل شروع کرنے کا اعلان کردیا ہے، شئیر کی کم از کم قیمت ایک سو چھیاسٹھ روپے مقرر کردی گئی۔
وزارتِ خزانہ نے حبیب بینک میں حکومتی حصص کی فروخت کاعمل منگل کی صبح سے شروع کرنے کا اعلان کیا ہے، کابینہ کمیٹی برائے نجکاری نے مقامی و بیرونی سرمایہ کاروں کو حبیب بینک کے پچیس کروڑ شئیرز ملکی اسٹاک مارکیٹوں کےذریعے فروخت کرنےکی منظوری دے دی ہے۔
جس کیلئے سات سے دس اپریل تک اسٹاک مارکیٹس میں بک بلڈنگ کا عمل ہوگا، اس کےعلاوہ ترقیاتی مالی اداروں اور بینکوں کیلئے ایچ بی ایل کے تقریباً چھتیس کروڑ شئیرز فروخت کرنےکا اضافی آپشن بھی رکھا گیا ہے۔
حبیب بینک کے شئیر کی کم از کم قیمت ایک سو چھیاسٹھ روپے مقرر کی گئی ہے۔
