ریال میڈرڈ کےسپر اسٹار اسٹرائیکر کرسٹیانو رونالڈو نے اپنے ریکارڈز کی فہرست کو وسیع کرتے ہوئےایک اور ریکارڈ اپنے نام کرلیا
پرتگال سے تعلق رکھنے والے شہرہ آفاق فٹبالرنےہسپانوی فٹبال لیگ لا لیگا میں لگاتار پانچ سیزن کھیلتے ہوئے 50 یا اس سے زائد گول اسکور کرنے کا ریکارڈ اپنے نام کر لیا ہے۔
ہفتے کو لا لیگا میں کھیلے گئے میچ میں ملاگا کے خلاف گول کرتے ہوئے یہ اعزاز حا صل کیا۔ اس گول کے ساتھ وہ لا لیگا میں لگاتار پانچویں سیزن میں 50 گول کرنے والے پہلے فٹبالر بن گئے ہیں۔
انہوں نے پہلی مرتبہ 2010-2011 کے سیزن میں ریال میڈرڈ کی طرف سے لا لیگا میں مجموعی طور پر 53 گول اسکور کیے۔
