سعودی عرب نے خلیجی ممالک پر زوردیا ہے کہ وہ ایران کے خلاف اٹھ کھڑے ہوں جبکہ فرانس کی جانب سے خلیجی ممالک کو یہ باور کرادیا گیا ہے کہ فرانس آپ کے ساتھ مکمل تعاون جاری رکھے گا
ریاض میں خلیجی ممالک کے سربراہان اجلاس سے خطاب کرتے ہوئے سعودی شاہ سلمان بن عبدالعزیز نے کہا کہ ایران سعودی عرب سمیت تمام خلیجی ریاستوں کے لئے سب سے بڑا خطرہ ہے اس لئےتمام ریاستیں تہران کے خلاف اٹھ کھڑے ہوں انہوں نے خبردار کیا کہ ایران خطے میں اپنی بالادستی قائم کرنا چاہتا ہے جس سے خطے میں عدم استحکام پیدا ہوجائے گا اور فرقہ واریت کو بھی ہوا ملے گی ۔
اجلاس میں فرانسیسی صدر فرانسوااولاند نے بھی شرکت کی اور اپنے بھرپور تعاون کا یقین دلایا ۔ اس کے علاوہ سربراہی اجلاس بحرین، کویت، عمان، قطر، سعودی عرب اور متحدہ عرب امارات کے وفود بھی شامل تھے