سابق وزیر داخلہ سندھ ذوالفقارمرزا نے قومی عوامی تحریک کے سربراہ ایاز لطیف پلیجو سے رابطہ کیا ہے قومی عوامی تحریک کے سربراہ نے اپنی جماعت کی جانب سے سابق وزیر داخلہ کو ہر طرح کے تعاون کا یقین دلایا ہے ۔
اپنے ایک بیان میں ایاز لطیف پلیجو نے سابق وزیرداخلہ زوالفقار مرزا کے گھر پر پولیس کی بھاری نفری تعینات کئے جانے کی سخت ترین الفاظ میں مذمت کرتے ہوئے کہا ہے کہ ہائی کورٹ سے حفاظتی ضمانت ملنے کے باوجود ذوالفقار مرزا کے گھیراؤ کو قانون اور آئین کی خلاف ورزی قرار دیا ہے ۔
ان کا مذید کہنا تھا کہ پولیس کی نفری کو اس طرح تعینات کیا گیا ہے کہ جیسے بدین میں کوئی جنگل کاقانون رائج ہے ہم ایسے قانون کو مسترد کرتے ہیں اپنے بیان میں ان کا کہناتھا کہ کرپشن کے خلاف جدوجہد میں ذوالفقار مرزا کاساتھ ہیں ۔