خیبرپختونخوا اسمبلی میں سینیٹر اعظم خان ہوتی کے انتقال کے بعد خالی ہونے والی سینیٹ نشست کے لیے پولنگ جاری ہے۔
نمائندہ جسارت کے مطابق سینیٹ کی نشست کے لیے پولنگ کا عمل صبح 9بجے سے شام 4بجے تک جاری رہے گا۔اس نشست پر صوبے میں حکومتی جماعت تحریک انصاف کے اعظم سواتی اور جمعیت علماء اسلام (ف)کے غلام علی کے درمیان مقابلہ ہے۔
اعظم سواتی کو حکومتی اتحاد میں شامل جماعتوں کی حمایت حاصل ہے جب کہ غلام علی کو حزب اختلاف کی حمایت حاصل ہے۔