وفاقی وزیر داخلہ چودھری نثار علی خان نے ایگزیکٹ کمیونکیشن کمپنی کی جعلی ڈگریوں کے معاملے کا نوٹس لیتے ہوئے نیویارک ٹائمز کی خبر کی تحقیقات کا حکم دے دیا۔
وفاقی وزیر داخلہ نے ایف آئی کو جعلی ڈگریوں کے معاملے کی تحقیقات کا حکم دیتے ہوئے جلد سے جلد رپورٹ جمع کرانے کی ہدایت کی ہے۔وزیرداخلہ کا کہنا ہے کہ اس بات کی تحقیقات کی جائے گی کہ ملکی بدنامی کا باعث بننے والی نیویارک ٹائمز کی خبر میں کتنی صداقت ہے ۔
ان کا کہنا ہے کہ ایگزیکٹ کمپنی مبینہ طور پر جعلی ڈگریوں کے کاروبارمیں ملوث ہے اور دیکھنا ہے کہ جعلی ڈگریوں کی خبر سے پاکستان کی نیک نامی پر کیا حرف آسکتا ہے۔
