وزیراعظم میاں نوازشریف نے کہا ہے کہ سول سروس میں ترقیوں کے معاملے میں حکومت کا کوئی کردار نہیں اور صوبائیت سے بالا تر ہوکر میرٹ پر ترقیاں کی جائیں گی۔
قومی اسمبلی میں خطاب کرتے ہوئے انہوں نے کہا کہ پبلک سروس کمیشن کے چیئرمین کو ان کی حکومت نے نہیں لگایا،19اور 20گریڈکے افسران کو صوبوں کی بنیاد پر ترقی دینے کے بجائے اہلیت اور صلاحیت کے حساب سے ترقی ملنی چاہیے۔
وزیراعظم نے کہا کہ اپوزیشن کو ترقیوں کے معاملے پر پریشان ہونے کی ضرورت نہیں، خورشید شاہ جلد بہت جلد گھبرا جاتے ہیں حکومت اس معاملے پر اپوزیشن لیڈر سے مشاورت کرے گی اور اعتماد میں لے گی۔
وزیراعظم نے کہا کہ میں اپوزیشن لیڈر کو پورا یقین دلاتا ہوں کہ سول سروس میں ہونے والی ترقیاں میرٹ پر ہوں گی اور اس میں کسی سے زیادتی نہیں کی جائے گی۔