پاک فضائیہ کے سربراہ سہیل امان نے چین کے سینٹرل ملٹری کمیشن کا دورہ کیا اور چینی فضائیہ کےسربراہ کی سینٹرل ملٹری کمیشن کےسربراہ جنرل فین چینگ لونگ سے ملاقات کی ۔
ترجمان پاک فضائیہ کے مطابق پاک فضائیہ کے سربراہ سہیل امان نے اپنے دورے کے دوران پاک چائنہ اسٹریٹیجک تعاون بڑھانے اور پیشہ وارانہ امورپرتبادلہ خیال کیا ۔ ترجمان پاک فضائیہ کے مطابق ایئرچیف مارشل سہیل امان نے ملاقات کے دوران چینی فضائیہ کے سربراہ کو آپریشن ضرب عضب کی تفصیلات سے آگاہ کرتے ہوئے بتایا کہ پاک فضائیہ دہشتگردوں کے ٹھکانے تباہ کرنے میں اہم کردار ادا کررہی ہے ۔
ترجمان کے مطابق پاک فضائیہ کے سربراہ سہیل امان نے خارجہ اور جنوبی ایشیائی امور کے نائب وزیر سے بھی ملاقات کی ۔ ملاقات کے دوران چینی وزیر کا کہنا تھا اقتصادی راہداری سمیت پاکستان کی ترقی کےلیے ہراقدام کریں گے۔ ملاقات میں دونوں ملکوں کے درمیان تعاون بڑھانے پراتفاق کیا گیا ۔