قومی کرکٹ ٹیم دورہ سری لنکا کے لیے کولمبو روانہ ہوگئی۔ٹیسٹ کی قیادت مصباح الحق کررہے ہیں۔
سری لنکا روانہ ہونے والوں میں ٹیم کے 15کھلاڑی اور 9آفیشلز شامل ہیں۔پہلے مرحلے میں ٹیسٹ اسکواڈ کولمبو پہنچے گا جس کے بعد ون ڈے اور ٹی ٹوئنٹی دستہ مرحلے وار جائے گا۔
پاکستان اور سری لنکا کے درمیان تین ٹیسٹ پر مشتمل میچوں کی سیریز 17جون سے شروع ہوگی۔
گرین شرٹس میزبان ٹیم سے تین ٹیسٹ، پانچ ون ڈے اور دو ٹی 20 میچز کی سیریز کھیلے گی۔ پاکستان کی پندر رکنی ٹیم میں مصباح الحق (کپتان)، اظہر علی (نائب کپتان )، محمد حفیظ ، احمد شہزاد ، شان مسعود، یونس خان، اسد شفیق ،حارث سہیل، وکٹ کیپر سرفراز احمد ، یاسر شاہ ، ذوالفقار بابر ، ویاب ریاض ، جنید خان ، عمران خان اور احسان عادل شامل ہیں۔
پاکستان اپنے دورے کا آغاز 11جون کو کولمبو کرکٹ گراﺅنڈ میں ہونے والے وارم اپ میچ سے کرے گا۔ تین ٹیسٹ میچز کی سیریزکا پہلا میچ 17جون کو پاکستانی وقت کے مطابق ساڑھے نو بجے صبح گال سٹیڈیم، دوسرا 25 جون کو کولمبو ، تیسرا 7 جولائی کو پالے کیلی میں کھیلا جائے گا۔
پانچ ون ڈے میچز کی سیریز کا پہلا ون ڈے میچ دمبولا سٹیڈیم میں 11جولائی کو صبح ساڑھے نو بجے ، دوسرا 15جولائی کو 2 بجے پالے کیلی سٹیڈیم میں تیسرا 19جولائی کو آر پریما داسا سٹیڈیم، چوتھا22 جولائی کو اور پانچواں 26 جولائی کو مہندا راجپاکسا سٹیڈیم میں کھیلا جائے گا۔ دونوں ٹیموں کے مابین دو ٹی 20 میچز کی سیریز کا پہلا میچ 30جولائی اور دوسرا یکم اگست کو کھیلا جائے گا۔
