پاکستان اور سری لنکا کے درمیان گال ٹیسٹ کے پہلے دن کا کھیل بارش کے باعث منسوخ کردیا گیا۔
تین میچوں کی ٹیسٹ سیریزکے پہلے میچ کا آغاز آج سے ہونا تھاتاہم گزشتہ شب اور آج صبح ہونے والی موسلادھار بارش کے باعث میچ شروع نہ ہوسکا۔پہلے روز کا کھیل میدان میں پانی بھرنے اور مزید بارش کی پیش گوئی کی وجہ سے منسوخ کردیا گیا۔
منتظمین کا کہنا ہے کہ بارش کا پانی نکالنے کے لیے ہرممکن کوشش کررہے ہیں اور اگر مزید بارش نہ ہوئی تو کل صبح کھیل کا آغاز مقررہ وقت سے پہلے ہی کردیا جائے گا۔
