سنگا پور : ایشیائی آئل مارکیٹ میں جمعہ کو خام تیل کی قیمتوں میں ملا جلا رجحان رہا جس کی وجہ یونان اور مالیاتی اداروں کے درمیان مذاکرات میں جاری ڈیڈ لاک بتایا جاتا ہے ۔
ایشیائی مارکیٹ میں کاروباری سرگرمیوں کے دوران امریکا کے ویسٹ ٹیکساس انٹر میڈیٹ کے اگست میں ترسیل کے معاہدے 8سینٹ کی کمی سے 59.62ڈالر فی بیرل میں طے پائے جبکہ برینٹ نارتھ سی کروڈ کے اگست میں ترسیل کے معاہدے 20سینٹ کے اضافے سے 63.40ڈالر فی بیرل میں ہوئے ۔
سنگا پور کے یونائیٹڈ اوور سیز بنک کے مطابق سرمایہ کاروں کی تمام تر توجہ یونان اور مالیاتی اداروں کے درمیان مذاکرات پرمرکوز ہے جس کے باعث کاروباری ہفتہ کے آخر تک موجودہ صورتحال برقرار رہنے کی توقع ہے ۔
