کراچی: کراچی کے علاقے ملیر میں رینجرزنے کارروائی کرتے ہوئے کراچی ڈوپلمنٹ اتھاڑٹی نے اسٹنٹ ڈائریکٹر کو گرفتار کرلیا۔
زرائع کے مطابق رینجرز نے ملیر کے پوش علاقے لیاقت مارکیٹ کے قریب خفیہ اطلاع پر چھاپہ مارا، کاروائی کے دوران اسٹنٹ ڈائریکٹر کراچی ڈوپلمنٹ اتھاڑٹی عاطف احمد کو گرفتار کرلیا۔
گرفتار کئے گئے افسر کو تفتیش کے لئے نامعلوم مقام پر منتقل کردیا گیا ہے جہاں ان سے مزید انکشافات متوقع ہے۔
دوسری جانب ترجمان رینجرز نے گرفتاری کی تصدیق کرتے ہوئے بتایا ہے کہ ملیر میں کاروائی کے دوران کے ڈی اے کے اہم افسر کو حراست میں لیا ہے جس سے تفتیش جاری ہے۔
واضح رہے کہ گزشتہ دنوں رینجرز نے کراچی بلڈنگ کنٹرول اتھارٹی کے ہیڈ آفس پر کاروائی کی گئی تھی جہاں سے قانون نافذ کرنے والے اداروں نے اہم دستاویزات کو اپنی تحویل میں لے لیا تھا۔
