اپریل کے مقابلہ میں مئی 2015ء کے دوران سبزیوں کی ملکی برآمدات میں ایک کروڑ 32لاکھ ڈالر کی کمی واقع ہوئی ہے ۔
ادارہ برائے شماریات پاکستان (پی بی ایس) کے اعدادو شمار کے مطابق رواں سال 2015ء میں ماہ اپریل کے دوران سبزیوں کی برآمدات سے 3کروڑ 58لاکھ ڈالر کا قیمتی زرمبادلہ کمایا گیا جبکہ مئی 2015ء کے دوران سبزیوں کی ملکی برآمدات کا حجم 2کروڑ 26لاکھ ڈالر تک کم ہوگیا اسطرح صرف ایک ماہ کے دوران سبزیوں کی برآمدات میں ایک کروڑ بتیس لاکھ ڈالر کی کمی ریکارڈ کی گئی ۔
