نصیر آباد کے علاقے ڈیرہ اللہ یار کی پولیس چوکی شفیق آباد پر دہشتگردوں کے حملے میں ایک اہلکار شہید جبکہ تین زخمی ہو گئے ۔
لیویز ذرائع کے مطابق نصیر آباد کے علاقے ڈیرہ اللہ یار کی پولیس چوکی شفیق آباد پر مسلح دہشتگردوں نے حملہ کر کے ایک اہلکار کو شہید جبکہ تین کو زخمی کردیا ۔ لیویز ذرائع کا کہنا ہے حملہ آور اندھیرے کا فائدہ اٹھاتے ہوئے فرار ہو گئے ۔ حملے میں زخمی پولیس اہلکاروں کو طبی امداد کےلئے جیکب آباد اسپتال منتقل کر دیا گیا ہے ۔