خیبرپختونخوا اور آزادکشمیر کے مختلف شہروں میں زلزلے کے جھٹکے محسوس کیے گئے ہیں۔ریکٹر اسکیل پر زلزلہ کی شدت 4.9رکارڈ کی گئی ہے۔
خیبرپختونخوا میں ایبٹ آباد، سوات، بٹگرام ، مانسہرہ ،چترال سمیت گردونواح کے شہروں میں زلزلے کےجھٹکے محسوس کیے گئے جب کہ آزاد کشمیرمیں مظفرآباد،نیلم،راولاکوٹ ،باغ اور اطراف کے علاقے زلزلے سے لرز اٹھے۔
زلزلہ پیما مرکز کے مطابق ریکٹر اسکیل پر زلزلے کی شدت4.9تھی اور اس کا مرکز مظفرآباد کا پہاڑی علاقہ تھا جب کہ گہرائی 10کلومیٹر تھی۔
زلزلے کے جھٹکوں سے عوام میں خوف و ہراس پھیل گیا اور وہ کلمہ طیبہ کا ورد کرتے ہوئے گھروں سے باہر نکل آئے۔لوگ اپنے پیاروں سے رابطہ کرکے ان کی خیریت دریافت کرنے لگے تاہم اب تک زلزلے میں کسی جانی نقصان کی اطلاع موصول نہیں ہوئی۔
