پاکستانی آل راﺅنڈر سٹار شعیب ملک نے ٹی ٹونٹی میچز میں روہت شرما اور لیوک رائٹ کے زیادہ رنزوں کا ریکارڈ توڑ ڈالا۔
شعیب ملک نے کیریبین پریمیئر لیگ میں بارباڈوس ٹریڈنٹس کی نمائندگی کرتے ہوئے سینٹ لوشیا کے خلاف میچ میں یہ کارنامہ انجام دیا۔ اس کے ساتھ ہی شعیب ملک نے مجموعی طور پر ٹی ٹونٹی میچز میں زیادہ رنز بنانے والے دنیا کے گیارہویں بلے باز بن گئے ہیں۔
کرس گیل کو ٹی ٹونٹی میچز میں زیادہ رنز بنانے کا عالمی اعزاز حاصل ہے جبکہ انہوں نے 7965 رنز بنا رکھے ہیں۔ کیریبین لیگ میں سینٹ لوشیا کے خلاف کھیلے گئے میچ میں شعیب ملک نے انتہائی جارحانہ بیٹنگ کرتے ہوئے 34 گیندوں پر 52 رنز کی اننگز کھیلی اور اس کے ساتھ انہوں نے روہت شرما اور رائٹ کو زیادہ رنزوں کی فہرست میں پیچھے چھوڑ دیا۔
