گوجرانوالہ میں موضع چھنانواں کے قریب ریلوے ٹریک کاپل ٹوٹنےسے فوجی سامان لے جانے والی ٹرین کی چار بوگیاں نہر میں گرگئیں۔حادثے میں مرنے والوں کی تعداد12ہوگئی ہے جب کہ 80 سے زائد زخمی ہیں۔
ریسکیو ذرائع کے مطابق فوجی سامان لے جانے والی مال بردار ٹرین گوجرانوالہ میں اس وقت حادثے کا شکار ہوگئی جب وہ موضع چھنانواں کے قریب گزررہی تھی کہ ریلوے ٹریک کا پل ٹوٹ گیا اور چار بوگیاں نہر میں جاگریں۔ٹرین میں چھ مسافر کوچز بھی شامل تھیں ۔
نہر سے 8افراد کی لاشوں کو نکال لیا گیا ہے جب کہ 80سے زائد زخمی ہیں جنہیں قریبی اسپتالوں میں منتقل کردیا گیا ہے۔ریسکیو1122،ریلوے اور پاک آرمی کی امدادی ٹیمیں جائے حادثہ پر پہنچ چکی ہیں اور امدادی کارروائیوں کا آغاز کردیاگیا ہے۔وفاقی وزیر ریلوے خواجہ سعد رفیق بھی حادثے کے مقام کی جانب روانہ ہوگئے ہیں۔
