ورلڈ ہاکی لیگ سیمی فائنلزمیں پاکستان اور آئرلینڈ کی ٹیمیں کلاسیفکیشن میچ میں کل 3 جولائی کو آمنے سامنے ہوں گی۔
تفصیلات کے مطابق ایف آئی ایچ ورلڈ ہاکی لیگ سیمی فائنلز میں پاکستان اور آئرلینڈ کی ٹیمیں پانچویں سے آٹھویں پوزیشن کیلئے کلاسیفکیشن میچ میں جمعہ کے روز آمنے سامنے ہوں گی۔
پاکستان نے گروپ اے میں چار میچز کھیلے جس میں صرف ایک میچ میں کامیابی حاصل کی ہے جبکہ دو میچ ڈرا ہوئےاور ایک میچ میں پاکستان ہاکی ٹیم ناقابل شکست رہی۔ گرین شرٹس کو کوارٹر فائنل میں برطانیہ کے ہاتھوں شکست ہوئی تھی۔
دوسری جانب آئرش ٹیم نے چار میچز کھیلے، ایک جیتا، ایک ڈرا کھیلا جبکہ دو میں اسے شکست ہوئی اور اس کے بعد کوارٹر فائنل میں بھی اسے شکست کا سامنا کرنا پڑا تھا۔ دوسرے کلاسیفکیشن میچ میں ملائیشیا اور فرانس کی ٹیمیں مدمقابل ہوں گی۔
واضح رہے بیلجیئم میں جاری ایونٹ میں اب تک کھیلے گئے میچز میں گرین شرٹس کی کارکردگی آئرلینڈ سے بہتر رہی ہے۔
