خیبرٹو آپریشن کے باعث نقل مکانی کرنے والے آئی ڈی پیز کی واپسی 6جولائی سے شروع ہوجائے گی۔
سرکاری حکام کے مطابق خیبر ایجنسی میں دہشت گردوں کے خلاف آپریشن کے دوران گھر بار چھوڑنے والے آئی ڈی پیز کی واپسی کا مرحلہ رواں ماہ کے پہلے ہفتے میں شروع ہوگا۔نقل مکانی کرنے والوں کی ان کے آبائی علاقوں میں واپسی کا عمل 16جولائی تک جاری رہے گا جس میں واپس لوٹنے والے ہر خاندان کو 6ماہ کا راشن اور خاندان کے سربراہ کو 35ہزار روپے دیے جائیں گے۔
واضح رہے کہ آپریشن خیبرٹوکے باعث ہزاروں قبائلی اپنا گھر بار چھوڑ کر آئی ڈی پیز کیمپوں میں موجود ہیں۔
