سری نگر: مقبوضہ کشمیر میں قابض بھارتی فوج نے کشمیری رہنماء سید علی گیلانی سمیت متعدد حریت رہنماؤں کو گرفتار کرلیا۔
ترجمان حریت رہنماء کے مطابق بھارتی فوج کی بھاری نفری نے جمعہ کے روز سیدعلی گیلانی کے گھر کو گھیرے میں لے لیا اور جب وہ اپنی رہائش گاہ حیدر پورہ سے اسلام آباد ٹاؤن میں احتجاجی مظاہرے سے خطاب کرنے کے لیے نکلے تو انہیں گرفتار کرلیا گیا۔
ترجمان کے بقول بھارتی فوج نے سید علی گیلانی کے ساتھ ساتھ متعدد حریت رہنماؤں کو بھی گرفتار کیا ہے۔حریت رہنماؤں نے مقبوضہ کشمیر کے جنوبی ضلع کے علاقے اسلام آبادٹاؤن میں بڑے احتجاجی مظاہرے سے خطاب کرنا تھا۔
