ورلڈ ہاکی لیگ میں پاکستان کو آئرلینڈ نے 0-1 گول سے شکست دے دی ہے۔ قومی ہاکی ٹیم آئرلینڈ سے شکست کھانے کے بعد اولمپکس 2016 کے ایونٹ سے باہر ہوگئی ہے۔
تفصیلات کے مطابق بیلجئم میں جاری ورلڈ ہاکی لیگ میں پاکستان اور آئرلینڈ کے مابین سنسنی خیز مقابلے کے بعد آئرلینڈ نے پاکستان کے خلاف 0-1 سے کامیابی حاصل کرلی ہے۔ دونوں ٹیموں نے میچ کے پہلے تین کوارٹر میں کوئی گول سکور نہیں کیا تاہم گیم کے چوتھے اور آخری کوارٹر میں آئر لینڈ کی جانب سے پہلا گول سکور کیا گیا جس کے باعث آئر لینڈرز کو کامیابی حاصل ہوئی۔
اولمپکس میں کوالیفائی کرنے کے لیے قومی ٹیم نے پانچویں پوزیشن حاصل کرنی تھی جبکہ آئر لینڈ سے شکست کے بعد اب گرین شرٹس اولمپکس 2016 کے ایونٹ میں کوالیفائی کرنے میں ناکام ہوگئی ہے۔
واضح رہے ملکی ہاکی تاریخ میں ایسا پہلی بار ہوا ہے کہ قومی ہاکی ٹیم اولمپکس کے ایونٹ سے باہر ہوئی ہے۔
