جامعہ کراچی کے اتوار کو جاری کردہ اعلامیہ کے مطابق ایم اے اور ڈبل ایم اے پرائیوٹ اور امپرومنٹ آف ڈویژن کے لئے رجسٹریشن فارم جمع کرانے کی تاریخ میں 9 جولائی 2015ءتک توسیع کردی گئی ہے۔
جامعہ کراچی کی جانب سے جاری کردہ اعلامیہ کے مطابق طلبہ اپنے رجسٹریشن فارم 3500 روپے فیس کے ساتھ یو بی ایل بینک کاﺅنٹرز واقع سلورجوبلی گیٹ جامعہ کراچی پر جمع کراسکتے ہیں۔ مضمون کی تبدیلی کے لئے بھی انہی تاریخوں میں 700 روپے فیس کے ساتھ فارم جمع کرائے جاسکتے ہیں۔
