شمالی وزیرستان کی تحصیل دتہ خیل میں سیکورٹی فورسز سے جھڑپ میں 12دہشت گردہلاک ہوگئے جب کہ 4فوجی جوان شہید ہوگئے۔
آئی ایس پی آر کے مطابق دتہ خیل کے شمال مغربی علاقے غازیزہ میں سیکورٹی فورسز اور دہشت گردوں کے درمیان جھڑپ ہوئی جس میں پاک فوج کی فائرنگ سے 12دہشت گرد ہلاک ہوگئے، دہشت گرد اپنے تین ساتھیوں کی لاشیں بھی چھوڑ کر فرار ہوگئے۔
پاک فوج کے ترجمان کا کہنا ہے کہ دہشت گردوں سے لڑتے ہوئے 4فوجی جوان بھی شہید ہوئے ہیں۔
