پالی کیلے ٹیسٹ کے تیسرے روز پاکستان کی پوری ٹیم 215رنز بناکر آؤٹ ہوگئی۔سری لنکا کو پہلی اننگز میں 63رنز کی برتری حاصل ہوگئی ہے۔
کھیل کے تیسرے روز پاکستان نے اپنی پہلی نامکمل اننگز 209رنز 9کھلاڑی آؤٹ سے آگے بڑھائی تو صرف 6رنز کے اضافے کے ساتھ عمران خان بولڈ ہوگئے ۔سرفراز احمد78رنز کی ناقابل شکست اننگز کھیلی جب کہ اظہر علی 52اور احمد شہزاد 21رنز کے ساتھ نمایاں رہے۔
سری لنکا کی جانب سے پرساد، پرادیپ اور کوشال نے تین تین کھلاڑیوں کو آؤٹ کیا۔سری لنکا کو پہلی اننگز میں 63رنز کی برتری حاصل ہوگئی ہے ۔میزبان ٹیم پہلی اننگز میں 278رنز پر آؤٹ ہوئی تھی۔
