ہسپانوی پولیس نے سوشل میڈیا پر دہشت گرد تنظیم داعش کا پروپیگنڈا مواد پھیلانے پر مراکش کے ایک شہری کو حراست میں لے لیا ہے۔
ذرائع ابلاغ کی رپورٹس کے مطابق مراکش کے شہری کو مشرقی شہر بادالونا کے شمال سے گرفتار کیا گیا۔ وزارت داخلہ کے مطابق زیر حراست شخص داعش کی حمایت میں سوشل میڈیا پر کارروائیوں کی ترغیب میں ملوث ہے۔ بیان کے مطابق گرفتار ہونے والا شخص ایک طرف لوگوں کو شام اور عراق جا کر داعش میں شامل ہونے کی دعوت دے رہا ہے اور دوسری جانب اپنے اپنے ممالک میں دہشت گردانہ کارروائیوں کی ترغیب میں مصروف رہا ہے۔
