کرکٹ میں “قاتل گیند” کے وار نے ایک اور کرکٹر کی جان لے لی۔برطانیہ میں ایک لیگ کے دوران سینے پر گیند لگنے سے کھلاڑی ہلاک ہوگیا۔
غیر ملکی میڈیا رپورٹس کے مطابق برطانیہ میں ہونے والی برٹش تامل لیگ کے دوران بیٹسمین بولن پتھ مناتھن بلے بازی کررہے تھا کہ اس دوران اسے زور دار گیند سینے پر آکر لگی اور وہ شدید تکلیف کے باعث وکٹ پر ہی گرگیا۔
ریسکیوٹیموں نے کرکٹر کو فوری طور پر اسپتال منتقل کیا جہاں وہ وہ جانبرنہ ہوسکا اور دوران علاج دم توڑ گیا۔
واضح رہے کہ رواں سال اپریل میں بھارتی ریاست بنگال کے نوجوان کرکٹر انکت کیشری کرکٹ کے میدان میں چوٹ لگنے سے ہلاک ہوگیا تھا جب کہ گزشتہ سال آسٹریلوی بیٹسمین فلپ ہیوز سڈنی میں آسٹریلین فرسٹ کلاس کرکٹ کے ایک میچ کے دوران سر پر گیند لگنے سے زندگی کی بازی ہار گیا تھا۔
