پاکستانی روپے کے مقابلے میں امریکی ڈالر کی قدر مستحکم رہی جبکہ یورپین ممالک کی اہم کرنسی برطانوی پاﺅنڈ کی قدر میں مندی کا رجحان رہا تاہم یورو کی قدر میں تیزی ریکارڈ کی گئی۔
امریکی ڈالر گذشتہ کاروباری روزکی قدر پر مستحکم رہا جبکہ برطانوی پاﺅنڈ کی قدر میں 50 پیسے کی کمی رونماءہوئی تاہم یورو کی قدر میں 93 پیسے کا اضافہ ہوگیا۔
نیشنل بینک آف پاکستان سے جاری کردہ اعداد و شمار کے مطابق امریکی ڈالر گذشتہ کاروباری روز کی قیمت فروخت 102.72 روپے اور قیمت خرید 100.28 روپے پر برقرار رہی۔ مزیدبرآں برطانوی پاﺅنڈ کی قیمت فروخت 158.49 روپے سے کم ہو کر 157.99 روپے اور قیمت خرید 154.72 روپے سے کم ہو کر 154.24 روپے رہ گئی۔ دریں اثناءیورو کی قیمت فروخت 112.83 روپے سے بڑھ کر 113.76 روپے اور قیمت خرید 110.15 روپے سے بڑھ کر 111.06 روپے ہوگئی۔
