گورنر سندھ ڈاکٹر عشرت العباد خان نے عید کے پرمسرت موقع پر اپنے پیغام میں کہا ہے کہ رمضان المبارک کی عبادات کے بعد اللہ تعالیٰ نے اپنے فضل و کرم سے ایک بار پھر ہمیں عید سعید کی خوشیاں عطا کی ہیں، ہمیں اس موقع پر اپنے غریب رشتے داروں، پڑوسیوں، یتیم، مسکین، مفلس و نادار افراد کو بھی اپنی عید کی خوشیوں میں شامل کرنا ہو گا۔
جاری کردہ اپنے پیغام میں انہوں نے کہا کہ ہمارے مثبت رویے کے باعث ہی ہمیں عید کے ایام میں خوشی کے دلکش لمحات میسر آتے ہیں، ہمیں اپنے ان رویوں کو اپنے لئے مشعل راہ بنانا ہو گا۔ گورنر سندھ ڈاکٹر عشرت العباد خان نے کہا کہ آج کے دن ہمیں عزم کرنا ہے کہ وہ رویے اپنائیں کہ ہر آنے والا ماہ و سال صوبے اور وطن عزیز کے لئے خوشحالی کا پیغام لائے، میری دعائیں آپ کے ساتھ ہیں، اللہ تعالیٰ ہم سب کا حامی و ناصر ہو۔
