قومی ون ڈے کرکٹ ٹیم کے قائد اظہر علی کو کپتانی خوب راس آئی ہے اور یہی وجہ ہے کہ وہ بطور کپتان رنز بنانے کے اعتبار سے دنیا کے کامیاب ترین بیٹسمین بن گئے ہیں۔
تیس سالہ اظہر علی اب تک دو ون ڈے انٹرنیشنل میچز میں قومی ٹیم کی قیادت کے فرائض انجام دے چکے ہیں جس میں انہوں نے 67.89 کی اوسط سے 611 رنز سکور کئے ہیں۔ بہترین بیٹنگ اوسط کے اعتبار سے آسٹریلیا کے جارج بیلی دوسرے نمبر پر ہیں انہوں نے دس میچز میں 62.67 کی اوسط سے 564 رنز بنائے ہیں۔ تیسرے نمبر پر انگلینڈ کے کپتان ایون مورگن ہیں جو اتنے ہی میچز میں 548 رنز بنا چکے ہیں۔
واضح رہے کہ اظہر علی کپتان کی حیثیت سے تین میں سے دو سیریز اپنے نام کر چکے ہیں۔ پہلی سیریز میں انہیں بنگلہ دیش کے ہاتھوں شکست کا سامنا کرنا پڑا جبکہ زمبابوے اور سری لنکا کے خلاف کامیابی سمیٹ چکے ہیں۔
