لیہ کے نوازشریف اسپتال میں عملے کی غیر موجودگی اور دوائیوں کی عدم دستیابی پر وزیراعلیٰ پنجاب نے برہمی کا اظہار کرتے ہوئے کہا ہے جس نے پنجاب میں رہنا ہے اس کام کرنا ہوگا ۔
لیہ کے سیلاب زدہ علاقوں کے دورے سے واپسی پر وزیراعلیٰ پنجاب کی زیرصدارت ہنگامی اجلاس ہوا ۔ اجلاس میں نواز شریف اسپتال لیہ میں عملہ اورمشینری نصب نہ ہونے پر وزیراعلیٰ کا اظہار برہمی کیا ۔ شہبازشریف کا کہنا تھا 10 کروڑ عوام کے ساتھ اللہ کو بھی جواب دہ ہوں، پنجاب میں اس طرح معاملات نہیں چلیں گے ،جس نے پنجاب میں رہنا ہے، اسے کام کرنا ہوگا۔
وزیراعلیٰ پنجاب شہبازشریف کا کہنا تھا کروڑوں روپے خرچ کرنے کے باوجود اسپتال لیہ میں عملہ ہے ،نہ مشینری اور نہ ادوایات، فائلوں کا پیٹ کاغذوں سے بھرا ہے لیکن اسپتال خالی پڑا ہے۔ کام نہ کرنے والے اور فیلڈ میں نہ جانے والوں سیکریٹریز کو فارغ کردیں گے۔ عوام کے خون پسینے کی کمائی ضائع کرنے والوں کو حساب دینا ہوگا۔
