یمن کے حوثی باغیوں کی طرف سے کئے گئے حملے میں دو سعودی سرحدی محافظ جاں بحق ہو گئے ۔
ریاض: عرب میڈیا کے رپورٹ کے مطابق یمن اور سعودیہ کی سرحد پر تعینات دو سعودی محافظ یمنی حوثی باغیوں کے حملے میں جاں بحق ہو گئے ۔ سعودی قیادت میں اتحادیوں کی طرف سے جاری ہونے والے بیان میں کہا گیا ہے کہ دونوں سرحدی محافظوں کو اس وقت مارا گیا جب وہ معمول کے گشت پر تھے ۔ عرب میڈیا کے مطابق واقعہ ضلع جیزان میں پیش آیا ۔
