رینجرزاہلکار کی بھاری نفری ایم کیوایم کے مرکز نائن زیرو کے باہر سے گشت ختم کر کے واپس چلے گئی ۔ کسی قسم کی گرفتاری عمل میں نہیں آئی ۔ گشت کے دوران ایم کیوایم کے مرکز نائن زیرو پر پریس کانفرنس جاری تھی ۔
کراچی: رینجرز اہلکاروں کی بھاری نفری نے ایم کیوایم کے مرکز نائن زیرو اور ملحقہ گلیوں میں گشت کیا ۔ ذرائع کے مطابق رینجرز اہلکاروں کی قیادت ڈی جی رینجرز سندھ کر رہے تھے ۔ تاہم رینجرز اہلکار نے کسی قسم کی گرفتاری نہیں کی ۔ رینجرز اہلکار کچھ دیر تک گشت کرتے رہے پھر واپس چلے گئے ۔ گشت کے دوران ایم کیوایم کے مرکز نائن زیرو پر فاروق ستار پریس کانفرنس کر رہے تھے ۔ تاہم رینجرز کے گشت کی اطلاع پر فاروق ستار نے پریس کانفرنس ختم کر دی ۔
