گوادر ایئر پورٹ کے قریب نا معلوم افراد نے دو راکٹ فائر کئے۔ سیکیورٹی فورسز نے علاقے کو گھیرے میں لیکر سرچ آپریشن شروع کردیا۔
سیکیوٹی ذرائع کے مطابق گوادر ایئر پورٹ کے قریب واقع پہاڑیوں پر سے ایئر پورٹ کی طرف دو راکٹ فائیر کیے گئے جو ایئر پورٹ کے قریب موجود کھلے علاقے میں گرے۔ تاہم کسی جانی یا مالی نقصان کی کوئی اطلاع موصول نہیں ہوئی۔
سیکیورٹی فورسز نے جائے وقوعہ پر پہنچ کر علاقے کو گھیرے میں لیکر سرچ آپریشن شروع کردیا ہے۔
