نیب نے لاہور میں کارروائی کرتے ہوئے کروڑوں روپے کی اراضی جعلی مختار نامے بنا کر فروخت کرنے والے دو ملزمان کو گرفتار کر لیا ۔
لاہور: نیب حکام نے کروڑوں روپے کے فراڈ میں ملوث 2 افراد کو گرفتار کر لیا۔ دونوں ملزمان جعلی مختارنامے بنا کر اراضی فروخت کرتے تھے۔ نیب حکام کے مطابق ملزمان نے کروڑوں روپے کی 118 کنال سے زائد اراضی جعل سازی سے فروخت کی۔ ملزمان کو کل احتساب عدالت میں پیش کیا جائے گا، نیب کی طرف سے ملزمان کے 30 روزہ جسمانی ریمانڈ کی استدعا کی جائیگی۔
