جی ایچ کیو راولپنڈی میں یوم دفاع کی مرکزی تقریب کا آغاز ہو گیا ۔ تقریب کے مہمان خصوصی آرمی چیف جنرل راحیل شریف تقریب میں پہنچ گئے ۔
یوم دفاع پاکستان کی گولڈن جوبلی کی مرکزی تقریب جی ایچ کیو راولپنڈی میں جاری ہے ۔ تقریب کے مہمان خصوصی چیف آف آرمی اسٹاف جنرل راحیل شریف تقریب میں پہنچ گئے ہیں ۔ تقریب کا مقصد ارض پاکستان کے جام شہادت پانے والے شہداء کو خراج عقیدت پیش کرنا ہے ۔
جی ایچ کیو راولپنڈی میں ہونے والی مرکزی تقریب میں چیئرمین جوائنٹ چیفس آف اسٹاف کمیٹی جنرل راشد محمود ، پاک بحریہ کے سربراہ ایڈمرل ذکااللہ ، ایئرچیف مارشل سہیل امان ، ڈی جی آئی ایس پی آر میجر جنرل عاصم سلیم باجوہ ، سابق آرمی چیف مرزااسلم بیگ ، اشفاق پرویز کیانی ، وزیردفاع خواجہ آصف ، وفاقی وزراء پرویز رشید ، اسحاق ڈار ، عبدالقادر بلوچ ، اپوزیشن لیڈر خورشید شاہ ، چیئرمین سینیٹ رضا ربانی ، مشیر خارجہ سرتاج عزیز ، شہداء کے عزیزواقارب اور مختلف ممالک کے سفراء کی بڑی تعداد تقریب میں شریک ہیں ۔
یوم دفاع پاکستان کی گولڈن جوبلی کی مرکزی تقریب سے آرمی چیف جنرل راحیل شریف خطاب کریں گے ۔
