پاکستان تحریک انصاف کے سربراہ عمران خان کا کہنا ہے پنجاب میں بلدیاتی انتخابات سے متعلق کسی پارٹی سے کوئی باقاعدہ اتحاد نہیں ہوا ۔
لندن سے جاری ہونے والے بیان میں چیئرمین تحریک انصاف کا کہنا تھا پنجاب میں بلدیاتی انتخابات میں مقامی سطح پر سیٹ ایڈجسٹمنٹ ہو سکتی ہے ۔ ان کا کہناتھا پاکستان تحریک انصاف دیگر سیاسی جماعتوں کے ساتھ ملکر شفاف انتخابات کو یقینی بنانے کے لئے حکمت عملی طے کرے گی ۔
دھرنے کے حوالے سے عمران خان کا کہنا تھا 4 اکتوبر کو اسلام آباد میں دھرنا نہیں بلکہ تاریخی جلسہ ہو گا۔ اگر صوبائی الیکشن کمشنر کو نہ ہٹایا گیا تو آئندہ کا لائحہ عمل دیں گے ۔
