ٹھوکر نیاز بیگ کے علاقے میں حساس اداروں نے کارروائی کر کے 4 خودکش حملہ آور اور ایک سہولت کو گرفتار کر لیا ۔
لاہور کے علاقے ٹھوکر نیازبیگ میں پولیس اور حساس اداروں کے اہلکاروں نے کارروائی کرتے ہوئے 4 خودکش دہشتگردوں اور ایک سہولت کار کو گرفتار کر لیا ۔ پولیس ذرائع کا کہنا ہے گرفتار ملزمان موبائل فونز کے ذریعے ٹریس کیا گیا ۔ پولیس ذرائع کا یہ بھی کہنا ہے کہ حملہ آور شہر میں داخل ہونے کی منصوبہ بندی کر رہے تھے، گرفتار ملزمان کی عمریں 17 سے 21 سال کے درمیان ہیں ۔ سیکورٹی ذرائع کا کہنا ہے ملزمان کو مزید تفتیش کے لئے نامعلوم مقام پر منتقل کر دیا گیا ۔
