بھارتی سیکورٹی فورسز نے لائن آف کنٹرول کی خلاف ورزی کرتے ہوئے نکیال سیکٹر پر فائرنگ اور گولہ باری کی ہے ۔
ڈی جی آئی ایس پی آر کی طرف سےجاری ہونے بیان میں کہا گیا ہے ایک مرتبہ پھر بھارتی سیکورٹی فورسز نے ایل او سی کی خلاف ورزی کرتے ہوئے بلااشتعال نکیال سیکٹر پر فائرنگ اور گولہ باری کی ہے ۔ آئی ایس پی آر کے مطابق پاک فوج نے بھارتی جارحیت کا بھرپور انداز میں جواب دیا اور بھارتی بندوقیں خاموش کرا دیں ۔
واضح رہے کہ تین دن پہلے پاکستان رینجرز اور بھارتی سیکورٹی فورسز کے درمیان انڈیا میں ہونے والے مذاکرات میں جنگ بندی پر اتفاق کیا گیا تھا ۔
